KFUM-skótarnir í Leirvík nýtt Bólkaráð

Á fundi 3. mai varð nýtt bólkaráð fyri KFUM-skótarnar í Leirvík valt.

Bólkaráðið, ið er samansett av leiðarum, foreldraumboðum og umboð fyri

kirkjuliga arbeiðinum í bygdini, er hægsti myndugleiki í skótabólkinum

og hevur alla ábyrgd av tí kristiliga, siðiliga og fíggjarliga virkinum

hjá bólkinum.

Bólkaráðið hevur skipað, seg við Ásbjørn Jacobsen sum formanni,

Sólrun Foldbo sum skrivara og Kirsten Danielsen sum kassameistara.

Jan Dam Vang er bólkaleiðari, Tummas Tróndheim er liðleiðari og Helma

Maria Tróndheim er úlvaleiðari. Øll í bólkaráðnum hava verið ella eru

virkin í skótaarbeiðinum.

Limatalið er um 70 og umleið 30-40 skótar og úlvar møta til fundir í

skótahúsinum hvørja viku.

KFUM-skótarnir í Leirvík eru eitt kirkjuligt arbeiði við tí endamáli at

lata børn og ung møta gleðiboðskapinum og við sínum lyndisskapandi

frítíðarvirksemi at uppala til dugandi samfelagsborgarar, at vera

sjálvstøðug og demokratisk, at kenna ábyrgd og at virða onnur fólkasløg.

Skótabólkurin Leirvíks Páll, ið hann eisini verður nevndur, varð settur

á stovn 5. mai 1962. Teir byrjaðu arbeiðið í gomlu losjuni, og hildu til

har í nøkur ár. Seinni fluttu teir oman í gamla missiónshúsið inntil

snikkaravirkið á Toftanesi varð keypt og umbygt til skótahús í 1977.

Í 1982 komu gentur eisini uppí KFUM skótarnar, sum annars bara høvdu havt

dreingir.

Í dag eru fleiri enn 25 milliónir skótar í fleiri enn 160 londum, børn, ung

og vaksin, gentur og dreingir.

Eftir summarfrítíðina er ætlanin at taka nýggjar limir upp í bólkin og eru

øll børn og ung í Eysturkommunu, Leirvík og Gøtu, hjartaliga vælkomin upp í

skótafelagsskapin.

Eisini hava KFUM-skótarnir í Leirvík fingið nýggja heimasíðu við navninum

www.leirvikspall.fo