73 00 00
Valmynd

Vinnudagar í Eysturkommunu

8. apr. 2014
Vilt tú á marknaðin skjótast gjørligt við nýskapandi tænastu ella vøru? Á skeiðnum “Vinnustimbran” fært tú íblástur og ítøkilig amboð at arbeiða við fyri at koma fram á leið!

Tann 24. og 25. apríl verður skipað fyri vinnudøgum í Eysturkommunu. Fyrri dagurin verður skipaður sum skeiðsdagur, og seinna dagin verður almennur vinnufundur við kunning um viðkomandi rák og útlit.

Fyrri dagurin ber heitið Vinnustimbran og hevur til endamáls at stimbra menning av nýskapandi vørum, tænastum og verkætlanum. Bæði vinnufyritøkur og einstaklingar eru vælkomin at luttaka á skeiðnum, sum er ókeypis. 

Einstaki luttakarin fer at fáa eina betri fatan av, hvat krevst fyri at fáa eitt nýskapandi hugskot at eydnast í vinnuligum høpi. Skeiðsluttakarar fara at arbeiða við ítøkiligum ætlanum fyri at fáa teirra hugskot út á marknaðin. Á skeiðnum fara vinnulívsfólk at geva íblástur við grundarlagi í egnum royndum. Hesi vera:

  • Árni G. Olsen, marknaðarleiðari, Bakkafrost
    • Hvussu er føroyskur laksur marknaðarførdur?
  • Heri Schwartz Jacobsen, stovnari av Defined Energy
    • Hvussu hava vit samstarvað í mun til tøkniførleikar?
  • Bogi Jacobsen, stjóri, Varðin Pelagic
    • Hvussu bleiv Varðin Pelagic framleiðsluklárt uppá ½ ár? 
  • Eirikur á Húsamørk, stjóri, Faroe Marine Products 
    • Hvussu hava vit fíggjað okkara stovnan og vøkstur?
  • Magni Arge, ráðgevi og fyrrverandi stjóri í Atlantic Airways
    • Hvussu fingu vit Clinton og Capitol Hill oman á Vaglið?

Harumframt fer Ólavur Gregersen, stjóri á ráðgevingarfyritøkuni Syntesa at hava styttri framløgur um marknaðarføring, førleikamenning, framleiðslustýring og fíggingarmøguleikar. Tað er eisini Syntesa, sum veitir vegleiðing til luttakarar í mun til at gera ítøkiligar ætlanir á skeiðinum. 


Vinnustimbran verður á Bátasavninum í Leirvík hósdagin 24. apríl, og skráin fyri báðar dagarnar sæst her. Báðir dagarnir eru ókeypis, men luttakaratalið er avmarkað til fyrra dagin og til tað er neyðugt at tekna til frammanundan. Seinni dagurin nýtist ein ikki at tekna seg til.

Trýst her fyri at tekna teg til Vinnustimbran ella ring 23 30 82!

Aðrar greinar

Dagtilhaldið byrjar aftur

Dagtilhaldið Gøtubrá byrjar aftur sum vanligt í dag 22. apríl. Vit hittast hvønn týsdag og hósdag kl. 15 - 18....

22. apr. 2025

Gransking við Bønhústoftina í Leirvík

Í góðveðrinum í seinastuni hava starvsfólk á Tjóðsavninum gingið aftur og fram, bøk fyri bøk, við Bønhústoftin...

22. apr. 2025
Search by