Íblástur frá dugnaligum vinnulívsfólkum
25. apr. 2014
“Skeiðið hevur verið sera gott við spennandi íblástri frá dugnaligum vinnulívsfólkum!” Hetta var skoðsmálið, sum fleiri luttakarar góvu skeiðinum Vinnustimbran, sum Eysturkommuna skipaði fyri í gjár. Skeiðið var fullteknað, og sjey fyritøkur og íverksetarar nýttu høvið at “pitcha” teirra nýskapandi hugskot fyri eini dómsnevnd, sum var mannað av fyrilestrarhaldarum og umboðum fyri Eysturkommunu. Dómsnevndin skal taka avgerð um, hvør skal hava vinningin uppá 25.000 kr., sum verður latin fyri besta “pitch” og hugskotslýsing.
Vinnudagarnir halda fram í dag við vinnufundi seinnapartin frá kl. 13-16. Tá verða framløgur frá fyritøkum í Eysturkommunu um orkusparing umborð á skipum, music management og um fiskapylsur og annað sjógæti. Eisini fer ein granskingarleiðari frá Matis í Íslandi at greiða frá ítøkiligum dømum um nýskapandi møguleikar innan havtilfeingi. Harumframt verða “bestubitar” vístir á stórskermi frá degnum í gjár, og borgarstjórin fer at avdúka avgerðina hjá dómsnevndini um vinningin fyri Vinnustimbran.
Vinnufundurin er almennur og verður á Bátasavninum í Leirvík. Luttøkan er ókeypis, og skrá fyri fundin kann lesast við at trýsta her.
Aðrar greinar
- Oyran 2
- 512 Norðragøta
- Føroyar
- T-post: eystur@eystur.fo
- Tel.: +298 73 00 00
- Bókhald: bokhald@eystur.fo
- Finn starvsfólk
Eysturkommuna © 2025
Search by 