Teir, íð hava mannað liðið: Sakarias Jacobsen, Magnus Petersen, Leon Jarnskor, Pætur Andreasen, Jákup í Garði Heinesen, Andrias Áslakksson og Lukas Carstenson. Fríði Heinesen er ikki við á myndini.

Gøtu Talvfelag føroyameistarar í unglingadeildini

14. mar. 2024

Mikudagin 13. februar varð síðsta umfarið í liðkappingini hjá unglingum telvað í hølunum hjá Gøtu Talvfelag við Gøtugjógv.

Stórur spenningur var, tí kappingin hevur verið sera jøvn alt árið. Undan dystinum lógu Gøtu Talvfelag, Havnar Telvingarfelag og Sandavágs Talvfelag stavn um stavn við ávikavist 19, 18 og 17 stigum.

Gøtu Talvfelag vann sannførandi 3-1 á Havnar Telvingarfelag og fóru teir sostatt avstað við FM heitinum.

Endaliga støðan gjørdist:

GT1 22 stig

ST 20 stig

KTF 19,5

HT2 19

HT1 18

Rókur 13

Strendur 13

TT 10,5

GT2 9

Eysturkommuna ynskir felagnum og liðnum hjartaliga til lukku.