Temadagar um skúlamál og skúlapolitikk

Gunnar Einarsson hevur meistaranám í leiðslu og útbúgving (M.A. in Management and Education) umframt doktaraheiti í somu greinum frá lærda háskúlanum í Reading í Onglandi. Hann hevur undirvíst á læraraútbúgvingini við Háskóla Íslands, hevur verið útbúgvingar- og mentanarleiðari í Garðabær í eitt skifti og er nevndarlimur í skúlamálanevndini í íslendska kommunufelagnum.

Seinnapartin í dag, leygardag, heldur Gunnar fyrilestur í miðhøllini í Leirvíkar Skúla fyri innbodnum, har tosað verður um skúlapolitikk m.a. við støði í royndunum í Garðabær kommunu. Fyrilesturin er ikki almennur, men mentanarnevndin hevur boðið m.a. landsstýrismanninum í skúlamálum, kommunufelagnum, býráðslimum og framhaldsskúlaleiðarum í grannakommunum og skúlastýrinum í skúlanum í Eysturkommunu og foreldraumboðnum fyri næmingarnar úr Eysturkommunu.



Býráðið var saman í gjár, har Gunnar greiddi frá um søgu og bakgrund fyri íslendskum skúlapolitikki umframt at býráðið fekk møguleika at kunna seg um hansara arbeiði og royndir á hesum øki. Magnus Tausen, stjóri í Nám, legði eisini fram um føroysk viðurskifti fyri at kunna býráðslimirnar betur um skúlaviðurskiftini í Føroyum.